Hiria, euskararena, beste
hizkuntzena. Bizikidetzarena, auzoena. Herriena. Konektatuena. Sortzaileena,
erabiltzaileena eta alderantziz. Iritziena
eta ideiena. Zurea eta nirea. Gurea. Baita zurea, zatozena eta atzean uzten
duzunarena. Oroimenean gordeko duzunarena. Bizikleta eta kafearena. Hemendik,
kanpora dihoana. Kanpotik barrura konektatua dagoena. Maletan daramaguna, pozik
eta duin. Mundu zabalean leku bat duena, duin (berriro diot). Zabalik ikusten
duguna, horrela sentitzen dugulako. Gurea ere, sentitzen dugulako. Handia ez,
zabala. Hesirik gabea. Irlak? Bai,
norberak aukeratzen dituenak. Ez inposatuak. Gibelekotik ikasiz, aurrekoa
egiteko beldurrik ez eta atzekoarekin itsuturik bizi ez dena. Txikien, herrien,
auzoen,…azoken…sare zabala. Geografi txiki ezberdin askoren atxikimenduaren
baturarekin osatzen dena. Hiri-sarea.
Hiria, herrien
konstelazio urbanoa, baita landatarra ere. Biak, batera, nahasturik.
Berria baina eraikin
zaharrekin egina. Umeena. Umeentzako izango baita,
heurentzat uzten duguna.
Urrunak gertukoekin konektatuak.
Geografiaren erpin
batekoak beste erpinekoekin hartuemanean.
Elkarrentzute,
Elkarrulertze, Elkar hitzegitearen hiria.
Elkar>hizketen
hiria.
Hitzen
hiria.
Euskal Hiria.
Post a comment